തൃശ്ശൂരിലെ മികച്ച IVF കേന്ദ്രം

ബിർള ഫെർട്ടിലിറ്റി & ഐവിഎഫ് സെന്റർ തൃശൂർ

ഓരോ ദമ്പതികൾക്കും ജീവിതത്തിലെ ഏറ്റവും വൈകാരികമായ ഒരു കാലയളവാണ് അവർ അവരുടെ കുഞ്ഞിനായി കാത്തിരിക്കുന്ന സമയം. ആ സമയത്ത് ശരിയായ ദിശാബോധം നൽകുന്ന, ആശങ്കകൾ ക്ഷമയോടെ കേൾക്കുന്ന ഒരു ടീം കൂടെയുണ്ടെങ്കിൽ ആ യാത്ര ഏറെ എളുപ്പമാകും. തൃശൂരിൽ ഇത്തരമൊരു പിന്തുണ തേടുന്നവർക്കായാണ് ബിർള ഫെർട്ടിലിറ്റി & ഐവിഎഫ് സെന്റർ പ്രവർത്തിക്കുന്നത്.

സാങ്കേതികവിദ്യ എത്ര പുരോഗമിച്ചാലും ചികിത്സ വിജയകരമാകണമെങ്കിൽ അത് കൈകാര്യം ചെയ്യുന്നവരുടെ അനുഭവസമ്പത്തും ശ്രദ്ധയും ഒരുപോലെ വേണം. ഇവിടത്തെ ഡോക്ടർമാർ ഓരോ രോഗിയെയും വെവ്വേറെ കാണുന്നു എന്നതാണ് ഇതിന്റെ പ്രത്യേകത ഒരേ പ്രശ്നത്തിന് രണ്ട് പേർക്ക് ഒരേ പരിഹാരമല്ല നിർദ്ദേശിക്കുന്നത്, മറിച്ച് ആരോഗ്യസ്ഥിതി, പ്രായം, മുൻചരിത്രം എന്നിവ പരിഗണിച്ചാണ് ചികിത്സാ പദ്ധതി തയ്യാറാക്കുന്നത്.

വന്ധ്യതാ പരിശോധനകൾ മുതൽ നൂതന ഡയഗ്നോസ്റ്റിക് സൗകര്യങ്ങൾ വരെ ഒരൊറ്റ കേന്ദ്രത്തിൽ ലഭ്യമാണ് എന്നത് രോഗികൾക്ക് പലവട്ടം സ്ഥലങ്ങൾ മാറി സഞ്ചരിക്കേണ്ട ബുദ്ധിമുട്ട് ഒഴിവാക്കുന്നു. ആദ്യ കൺസൾട്ടേഷനിൽ തുടങ്ങി മാതാപിതാക്കളാകുന്നത് വരെയുള്ള ഓരോ ഘട്ടത്തിലും വിദഗ്ധരുടെ സാന്നിധ്യം ഉറപ്പാക്കുന്നു.

ബിർള ഫെർട്ടിലിറ്റി കെയർ ജേർണി അറ്റ് ബിർള ഫെർട്ടിലിറ്റി & ഐവിഎഫ് സെന്റർ തൃശൂർ

ഓരോ ദമ്പതികളും ഈ യാത്ര തുടങ്ങുന്നത് വ്യത്യസ്ത സാഹചര്യങ്ങളിൽ നിന്നാണ് ചിലർക്ക് വർഷങ്ങളായുള്ള കാത്തിരിപ്പാണെങ്കിൽ ചിലർക്ക് ആദ്യമായി വിദഗ്ധോപദേശം തേടുകയാണ്. ഇക്കാരണത്താൽ, ചികിത്സ നിർദ്ദേശിക്കുന്നതിന് മുൻപ് മെഡിക്കൽ ഹിസ്റ്ററി, ജീവിതശൈലി, റീപ്രൊഡക്ടിവ് ഹെൽത്ത് എന്നിവ വിശദമായി മനസ്സിലാക്കാൻ സമയമെടുക്കുന്നു.

ഗൈനക്കോളജിസ്റ്റുകൾ, എംബ്രിയോളജിസ്റ്റുകൾ, കൗൺസിലർമാർ എന്നിവർ അടങ്ങുന്ന മൾട്ടിഡിസിപ്ലിനറി ടീം ഒരുമിച്ചാണ് ഓരോ കേസും കൈകാര്യം ചെയ്യുന്നത്. ഇത് ചികിത്സയുടെ ഏതെങ്കിലും ഘട്ടത്തിൽ ഒരു വശം അവഗണിക്കപ്പെടാതെ, ശാരീരികവും മാനസികവുമായ പിന്തുണ ഒരേസമയം ലഭിക്കുന്നു എന്ന് ഉറപ്പാക്കുന്നു.

രോഗികൾക്ക് മുൻഗണന നൽകുന്ന സമീപനം

ഫെർട്ടിലിറ്റി ചികിത്സ എന്നത് കേവലം മെഡിക്കൽ നടപടിക്രമങ്ങൾ മാത്രമല്ല; അത് ഒരു വൈകാരിക യാത്ര കൂടിയാണ്. അതുകൊണ്ടുതന്നെ, രോഗിയുടെ ആശങ്കകൾ പൂർണ്ണമായി കേട്ടറിഞ്ഞ ശേഷം മാത്രമേ ഏത് ചികിത്സാ രീതി അനുയോജ്യമെന്ന് ഇവിടത്തെ വിദഗ്ധർ തീരുമാനിക്കാറുള്ളൂ. സമ്മർദ്ദമില്ലാതെ, കാര്യങ്ങൾ മറച്ചുവയ്ക്കാതെ മുന്നോട്ട് പോകാൻ കഴിയുന്ന ഒരു അന്തരീക്ഷമാണ് ലക്ഷ്യം.

രോഗിക്ക് ലഭിക്കുന്ന പരിചരണത്തിൽ ഇവയെല്ലാം ഉൾപ്പെടുന്നു:

• ആവശ്യമായ എല്ലാ ഫെർട്ടിലിറ്റി പരിശോധനകളും ഒരിടത്ത് തന്നെ.
• ഓരോ വ്യക്തിക്കും അനുയോജ്യമായ പ്രത്യേക ചികിത്സാ നിർദ്ദേശങ്ങൾ.
• ചികിത്സയുടെ ഓരോ ഘട്ടത്തെക്കുറിച്ചും തുറന്ന, സുതാര്യമായ വിശദീകരണം.
• ആവശ്യമുള്ളപ്പോൾ മാനസികവും വൈകാരികവുമായ പിന്തുണ.
• അന്താരാഷ്ട്ര നിലവാരമുള്ള ഫെർട്ടിലിറ്റി സാങ്കേതികവിദ്യകൾ.
• ചികിത്സ പുരോഗമിക്കുന്നതനുസരിച്ചുള്ള കൃത്യമായ നിരീക്ഷണം.

മാതാപിതാക്കളാകാനുള്ള നിങ്ങളുടെ യാത്രയിൽ ഞങ്ങളെ എന്തിന് തിരഞ്ഞെടുക്കണം?

നല്ലൊരു ഐവിഎഫ് ക്ലിനിക് എന്നാൽ ആധുനിക യന്ത്രസാമഗ്രികൾ മാത്രം ഉള്ളതല്ല. അതിലുപരി, ധാർമ്മികതയോടും കരുതലോടും കൂടി ചികിത്സ നൽകാൻ കഴിവുള്ള അനുഭവസമ്പന്നരായ ഒരു ടീമും ഒപ്പം വേണം. ഇത് രണ്ടും ഒരുമിച്ച് കൊണ്ടുവരാനാണ് ബിർള ഫെർട്ടിലിറ്റി ശ്രമിക്കുന്നത്.

ഇവിടെ ചികിത്സ തേടുന്നവർക്ക് ലഭിക്കുന്നത്:

• വർഷങ്ങളുടെ പരിചയമുള്ള ഫെർട്ടിലിറ്റി സ്പെഷ്യലിസ്റ്റുകളുടെ മേൽനോട്ടം.
• ആധുനിക സൗകര്യങ്ങളോടു കൂടിയ ഐവിഎഫ് ലബോറട്ടറികൾ.
• ആഗോളതലത്തിൽ അംഗീകരിക്കപ്പെട്ട ചികിത്സാ പ്രോട്ടോക്കോളുകൾ.
• ഓരോരുത്തർക്കും വേറിട്ട, വ്യക്തിഗതമായ പരിചരണം.
• കൃത്യതയുള്ള ഡയഗ്നോസ്റ്റിക് സേവനങ്ങൾ.
• സ്വകാര്യത കാത്തുസൂക്ഷിക്കുന്ന, സൗഹൃദപരമായ അന്തരീക്ഷം.
• എല്ലാ തരം ഫെർട്ടിലിറ്റി ചികിത്സകളും ഒരൊറ്റ കൂരയ്ക്ക് കീഴിൽ.

തൃശൂർ ഐവിഎഫ് സെന്ററിലെ വന്ധ്യതാ നിവാരണ ചികിത്സകളും രോഗനിർണ്ണയ സേവനങ്ങളും

ഏത് ചികിത്സയും ഫലം കാണണമെങ്കിൽ ആദ്യം വേണ്ടത് കൃത്യമായ രോഗനിർണ്ണയമാണ്. ഇവിടെ, വന്ധ്യതയ്ക്ക് പിന്നിലെ യഥാർത്ഥ കാരണം കണ്ടെത്താൻ പങ്കാളികളായ രണ്ടുപേരെയും വെവ്വേറെയും ഒരുമിച്ചും വിശദമായി പരിശോധിക്കുന്നു. ഈ പരിശോധനാ ഫലങ്ങളുടെ അടിസ്ഥാനത്തിലാണ് ഓരോരുത്തർക്കും അനുയോജ്യമായ ചികിത്സ നിർദ്ദേശിക്കുന്നത്.

ഐവിഎഫ് (ഇൻ വിട്രോ ഫെർട്ടിലൈസഷൻ)

ഏറ്റവുമധികം ഫലപ്രാപ്തി കാണിച്ചിട്ടുള്ള ഫെർട്ടിലിറ്റി ചികിത്സാ രീതികളിലൊന്നാണ് ഐവിഎഫ്. സ്ത്രീയുടെ അണ്ഡവും പുരുഷന്റെ ബീജവും ലബോറട്ടറിയിൽ വച്ച് ഫലപ്രദമായി ഫെർട്ടിലൈസ് ചെയ്ത ശേഷം, ആരോഗ്യമുള്ള ഭ്രൂണം ഗർഭപാത്രത്തിലേക്ക് നിക്ഷേപിക്കുന്ന പ്രക്രിയയാണിത്.

ഫാലോപ്യൻ ട്യൂബിലെ തടസ്സം, പുരുഷന്മാരിലെ വന്ധ്യത, ഓവുലേഷൻ സംബന്ധമായ പ്രശ്നങ്ങൾ, എൻഡോമെട്രിയോസിസ്, കാരണം വ്യക്തമല്ലാത്ത വന്ധ്യത, അല്ലെങ്കിൽ മുൻപ് ഐവിഎഫ് പരാജയപ്പെട്ട അനുഭവം ഇവയിലേതെങ്കിലും ഉള്ളവർക്കാണ് സാധാരണയായി ഐവിഎഫ് നിർദ്ദേശിക്കാറുള്ളത്. അന്താരാഷ്ട്ര നിലവാരമുള്ള പ്രോട്ടോക്കോളുകൾ പിന്തുടരുന്നതിനാൽ, മികച്ച ഫലം ഉറപ്പാക്കുന്ന ഒരു കേന്ദ്രമായി ബിർള ഐവിഎഫ് തൃശൂരിൽ വളർന്നുകൊണ്ടിരിക്കുകയാണ്.

ഐയുഐ ട്രീറ്റ്മെന്റ്

താരതമ്യേന ലളിതമായ ഒരു ഫെർട്ടിലിറ്റി പ്രക്രിയയാണ് ഇൻട്രായൂട്ടറൈൻ ഇൻസെമിനേഷൻ അഥവാ ഐയുഐ. സ്ത്രീയിൽ അണ്ഡോത്പാദനം നടക്കുന്ന കൃത്യമായ സമയത്ത്, പ്രോസസ്സ് ചെയ്ത ബീജം നേരിട്ട് ഗർഭപാത്രത്തിലേക്ക് നിക്ഷേപിക്കുന്നതാണ് ഈ രീതി.

പുരുഷന്മാരിൽ ചെറിയ തോതിലുള്ള വന്ധ്യത, സെർവിക്കൽ ഘടകങ്ങൾ മൂലമുള്ള പ്രശ്നങ്ങൾ, കാരണം വ്യക്തമല്ലാത്ത വന്ധ്യത, അല്ലെങ്കിൽ നേരിയ അളവിലുള്ള അണ്ഡോത്പാദന തകരാറുകൾ ഉള്ളവർക്ക് ഐയുഐ അനുയോജ്യമാകാറുണ്ട്.

ഐസിഎസ്ഐ ട്രീറ്റ്മെന്റ്

ഐവിഎഫിന്റെ കുറച്ചുകൂടി പുരോഗമിച്ച രീതിയാണ് ഇൻട്രാസൈറ്റോപ്ലാസ്മിക് സ്പേം ഇഞ്ചക്ഷൻ (ഐസിഎസ്ഐ). ഇവിടെ ആരോഗ്യമുള്ള ഒരു ബീജം നേരിട്ട് അണ്ഡത്തിലേക്ക് ഇഞ്ചക്റ്റ് ചെയ്യുന്നു. കുറഞ്ഞ സ്പേം കൗണ്ട്, സ്പേമിന്റെ മോട്ടിലിറ്റി കുറവ്, മുൻപ് ഫെർട്ടിലൈസേഷൻ പരാജയപ്പെട്ടത്, അല്ലെങ്കിൽ പുരുഷന്മാരിലെ വന്ധ്യത എന്നീ സാഹചര്യങ്ങളിലാണ് ഇത് സാധാരണ നിർദ്ദേശിക്കപ്പെടുന്നത്.

എഗ്ഗ് ഫ്രീസിങ്

ഭാവിയിലേക്കുവേണ്ടി അണ്ഡം സൂക്ഷിച്ചുവയ്ക്കാൻ സഹായിക്കുന്ന സൗകര്യമാണിത്. കുട്ടികൾ വേണമെന്ന് ഭാവിയിൽ ആഗ്രഹിക്കുന്നവർക്കും, വ്യക്തിപരമോ ഔദ്യോഗികമോ ആയ കാരണങ്ങളാൽ പ്രസവം മാറ്റിവയ്ക്കുന്ന സ്ത്രീകൾക്കും ഇത് ഉപകാരപ്രദമാണ്.

വൈകിയുള്ള പ്രസവം ആഗ്രഹിക്കുന്നവർ, കീമോതെറാപ്പിക്ക് മുൻപ് അണ്ഡം സംരക്ഷിക്കേണ്ട ക്യാൻസർ രോഗികൾ, അണ്ഡത്തിന്റെ എണ്ണം കുറഞ്ഞുവരുന്നവർ, അല്ലെങ്കിൽ ജീവിതശൈലി ആസൂത്രണത്തിന്റെ ഭാഗമായി ഇത് തിരഞ്ഞെടുക്കുന്നവർ ഇവർക്കെല്ലാം എഗ്ഗ് ഫ്രീസിങ് ഒരു നല്ല ഓപ്ഷനാണ്.

സ്ത്രീകളിലെ വന്ധ്യത

ഹോർമോൺ വ്യതിയാനങ്ങൾ, അണ്ഡോത്പാദന സംബന്ധമായ പ്രശ്നങ്ങൾ, ശരീരഘടനയിലെ ചില തകരാറുകൾ, പ്രായം കൂടുന്നത് ഇവയെല്ലാം സ്ത്രീകളിൽ വന്ധ്യതയ്ക്ക് കാരണമാകാം. യഥാർത്ഥ കാരണം കണ്ടെത്താൻ ഹോർമോൺ പരിശോധന, അൾട്രാസൗണ്ട് സ്കാനിംഗ്, ഒവേറിയൻ റിസർവ് ടെസ്റ്റിംഗ്, ഗർഭപാത്ര പരിശോധന, റ്യൂബെല്ല പാറ്റൻസി എന്നിവ ഉൾപ്പെടുന്ന സമഗ്രമായ പരിശോധനകൾ ഇവിടെ നടത്തുന്നു. ഈ ഫലങ്ങൾ അടിസ്ഥാനമാക്കിയാണ് വ്യക്തിഗത ചികിത്സാ രീതി തീരുമാനിക്കുന്നത്.

പുരുഷന്മാരിലെ വന്ധ്യത

വന്ധ്യതാ കേസുകളിൽ പകുതിയോളവും പുരുഷന്മാരുമായി ബന്ധപ്പെട്ടതാണെന്നത് പലരും അറിയാതെ പോകുന്ന ഒരു വസ്തുതയാണ്. നേരത്തെ ചികിത്സ തേടുന്നത് ഈ പ്രശ്നം മറികടക്കാൻ വലിയ സഹായമാകും. ബീജങ്ങളുടെ എണ്ണം, ചലനശേഷി, ഘടന, ഹോർമോൺ പ്രൊഫൈൽ, ജനിതക ഘടകങ്ങൾ എന്നിവയാണ് പ്രധാനമായും പരിശോധിക്കുന്നത്.

തുടർച്ചയായ ഗർഭഛിദ്രം

ആവർത്തിച്ചുള്ള ഗർഭഛിദ്രത്തിന് പിന്നിൽ ഒന്നിലധികം കാരണങ്ങൾ ഉണ്ടാകാം ആരോഗ്യപരമായ ഘടകങ്ങൾ, ഹോർമോൺ വ്യതിയാനങ്ങൾ, ചിലപ്പോൾ ജനിതകമായ പ്രശ്നങ്ങൾ വരെ. ഇവയെല്ലാം കണ്ടെത്താൻ വിശദമായ പരിശോധനകൾ നടത്തിയ ശേഷം, ആരോഗ്യകരമായ ഒരു ഗർഭധാരണത്തിനുള്ള നിർദ്ദേശങ്ങളും ചികിത്സയും ഒരുക്കുന്നു.

ഫാലോപ്യൻ ട്യൂബുകളിലെ തടസ്സം

അണ്ഡവും ബീജവും തമ്മിൽ ചേരുന്നതിന് ഫാലോപ്യൻ ട്യൂബിലെ തടസ്സം തടസ്സമായി നിൽക്കാം, ഇത് സ്വാഭാവിക ഗർഭധാരണത്തെ ബാധിക്കുന്നു. ആധുനിക ഇമേജിംഗ് സാങ്കേതികവിദ്യ ഉപയോഗിച്ച് ട്യൂബുകളുടെ അവസ്ഥ കൃത്യമായി വിലയിരുത്തി, ആവശ്യമെങ്കിൽ ഐവിഎഫ് അടക്കമുള്ള അനുയോജ്യമായ ചികിത്സ ഇവിടെ നിർദ്ദേശിക്കുന്നു.

ലോ എഎംഎച്ച്

ആന്റി മുള്ളേരിയൻ ഹോർമോൺ കുറവാണെങ്കിൽ അത് അണ്ഡത്തിന്റെ ശേഷി കുറവിനെ സൂചിപ്പിക്കുന്നു എന്നാൽ ഗർഭധാരണ സാധ്യത പൂർണ്ണമായും ഇല്ലാതാക്കുന്നില്ല. ഒവേറിയൻ ഫംഗ്ഷൻ കൃത്യമായി വിലയിരുത്തി, പ്രായം, അണ്ഡത്തിന്റെ അളവ്, രോഗിയുടെ ലക്ഷ്യങ്ങൾ എന്നിവ പരിഗണിച്ചാണ് ഇവിടെ ചികിത്സ തീരുമാനിക്കുന്നത്.

പിസിഒഎസ്

സ്ത്രീകളിലെ വന്ധ്യതയ്ക്കുള്ള ഏറ്റവും സാധാരണമായ കാരണങ്ങളിലൊന്നാണ് പോളിസിസ്റ്റിക് ഓവറി സിൻഡ്രോം. ഇത് പ്രധാനമായും അണ്ഡോത്പാദനത്തെയും ഹോർമോൺ സന്തുലനത്തെയും ബാധിക്കുന്നു. ജീവിതശൈലിയിലെ മാറ്റങ്ങൾ, ഓവുലേഷൻ ഇൻഡക്ഷൻ, ഹോർമോൺ മാനേജ്മെന്റ് എന്നിവയിലൂടെയാണ് സാധാരണ ചികിത്സ ആരംഭിക്കുന്നത്; ആവശ്യമെങ്കിൽ ഐവിഎഫ് ചികിത്സയും പരിഗണിക്കാം.

എൻഡോമെട്രിയോസിസ്

ഗർഭപാത്രത്തിനുള്ളിലെ പോലുള്ള കോശങ്ങൾ അതിന് പുറത്തും വളരുന്ന അവസ്ഥയാണ് എൻഡോമെട്രിയോസിസ്. ഇത് വന്ധ്യതയ്ക്കും കഠിനമായ വയർവേദനയ്ക്കും കാരണമാകാം. തുടക്കത്തിലേ കണ്ടെത്തി കൃത്യമായ ചികിത്സ നൽകിയാൽ ലക്ഷണങ്ങൾ കുറയ്ക്കാനും ഗർഭധാരണ സാധ്യത വർദ്ധിപ്പിക്കാനും കഴിയും.

യൂട്ടറെയ്ൻ ഫൈബ്രോയിഡ്

ഫൈബ്രോയിഡിന്റെ വലിപ്പവും അത് സ്ഥിതി ചെയ്യുന്ന സ്ഥാനവും ഭ്രൂണം ഗർഭപാത്രത്തിൽ ഒട്ടിപ്പിടിക്കുന്നതിനെയോ ഗർഭധാരണത്തെയോ ബാധിച്ചേക്കാം. ഓരോ കേസും പ്രത്യേകം വിലയിരുത്തിയ ശേഷം, ഫെർട്ടിലിറ്റി ചികിത്സയ്ക്ക് മുൻപ് മരുന്നോ ശസ്ത്രക്രിയയോ വേണോ എന്ന് ഇവിടത്തെ ടീം തീരുമാനിക്കുന്നു.

ഒവേറിയൻ സിസ്റ്റ്

എല്ലാ ഓവേറിയൻ സിസ്റ്റുകളും ഫെർട്ടിലിറ്റിയെ ബാധിക്കാറില്ല, എന്നാൽ ചിലത് അണ്ഡോത്പാദനത്തെയോ ഓവറിയുടെ പ്രവർത്തനത്തെയോ തടസ്സപ്പെടുത്താം. കൃത്യമായ ഇമേജിംഗിലൂടെയും തുടർച്ചയായ നിരീക്ഷണത്തിലൂടെയും ഓരോ രോഗിക്കും അനുയോജ്യമായ ചികിത്സാ പദ്ധതി ഇവിടെ തയ്യാറാക്കുന്നു.

ഹോർമോണൽ വ്യതിയാനം

ഗർഭധാരണം വിജയകരമാകാൻ ഹോർമോണുകൾ ശരിയായ അളവിലായിരിക്കണം. അണ്ഡോത്പാദനം, ബീജ ഉത്പാദനം, ഇംപ്ലാന്റേഷൻ, ഗർഭധാരണം എന്നിവയെല്ലാം ഹോർമോൺ വ്യതിയാനങ്ങൾ മൂലം ബാധിക്കപ്പെടാം. വിശദമായ ഹോർമോൺ പരിശോധനകളും വ്യക്തിഗത ചികിത്സാ പദ്ധതികളും ഉപയോഗിച്ച് പ്രത്യുത്പാദന ആരോഗ്യം വീണ്ടെടുക്കാൻ ബിർളയിലെ വിദഗ്ധർ സഹായിക്കുന്നു.

തൃശൂരുള്ള ഞങ്ങളുടെ ബിർള ഐവിഎഫ് സെന്റർ സന്ദർശിക്കൂ

സുരക്ഷിതമായ അന്തരീക്ഷത്തിൽ മികച്ച സൗകര്യങ്ങളോടെ ആധുനിക ഫെർട്ടിലിറ്റി പരിചരണം നൽകുക എന്നതാണ് ബിർള ഫെർട്ടിലിറ്റി & ഐവിഎഫിന്റെ പ്രധാന ലക്ഷ്യം. മാതാപിതാക്കളാകാനുള്ള യാത്രയുടെ ഓരോ ഘട്ടത്തിലും വ്യക്തിഗതമായ ശ്രദ്ധയും പരിചരണവും ഉറപ്പാക്കാൻ അനുഭവസമ്പന്നരായ ടീം കൂടെയുണ്ടാകും.

അഡ്രസ്സ് & കോണ്ടാക്ട് ഇൻഫർമേഷൻ

4th ഫ്ലോർ, ഫാൽക്ലൻഡ് ടവർ, അയ്യന്തോൾ ഫുട്ബോൾ ഗ്രൗണ്ട്
തൃശൂർ, കേരളം – 680003
ഫോൺ നമ്പർ – +91 9667446915
വാട്സാപ്പ് നമ്പർ – +918833076699

ഞങ്ങളുടെ സേവനങ്ങൾ ലഭിക്കുന്ന സ്ഥലങ്ങൾ

തൃശൂർ കൂടാതെ കണ്ണൂർ, കോഴിക്കോട്, പാലക്കാട് എന്നിവിടങ്ങളിലും ബിർള ഫെർട്ടിലിറ്റിയുടെ സേവനങ്ങൾ ലഭ്യമാണ്.

ക്ലിനിക് സൗകര്യങ്ങളും രോഗികൾക്കായുള്ള സേവനങ്ങളും

ചികിത്സാ നടപടികൾ ബുദ്ധിമുട്ടില്ലാതെ പൂർത്തിയാക്കാൻ വേണ്ട എല്ലാ ആധുനിക സൗകര്യങ്ങളും ക്ലിനിക്കിൽ ലഭ്യമാണ്:

• അത്യാധുനിക ഐവിഎഫ് ലബോറട്ടറി
• അൾട്രാസൗണ്ട്, മറ്റ് ഡയഗ്നോസ്റ്റിക് സേവനങ്ങൾ
• സൗകര്യപ്രദമായ കൺസൾട്ടേഷൻ റൂമുകൾ
• കൗൺസിലിംഗ് പിന്തുണ
• ശുചിത്വമുള്ള വെയിറ്റിംഗ് ഏരിയകൾ
• പ്രത്യേക പേഷ്യന്റ് അസിസ്റ്റൻസ്

തൃശൂർ ഐവിഎഫ് സെന്ററിലേക്ക് എങ്ങനെയെത്താം?

നഗരഭാഗത്ത് സ്ഥിതി ചെയ്യുന്നതിനാൽ പൊതുഗതാഗതം ഉപയോഗിച്ചോ റോഡ് മാർഗമോ എളുപ്പത്തിൽ ക്ലിനിക്കിലെത്താം. സമീപ ജില്ലകളിൽ നിന്നുള്ളവർക്കും ചികിത്സയ്ക്കായി വേഗത്തിൽ എത്തിച്ചേരാൻ കഴിയും.

തൃശൂർ ബിർള ഐവിഎഫ് സെന്ററിലെ നിങ്ങളുടെ യാത്ര

ഓരോ ദമ്പതികളും ബിർളയിലെത്തുമ്പോൾ അവരുടെ യാത്ര ഒരു നിശ്ചിത ക്രമത്തിലാണ് മുന്നോട്ട് പോകുന്നത് ആദ്യ കൂടിക്കാഴ്ച മുതൽ ഗർഭകാല പരിചരണം വരെ. ഈ ഘട്ടങ്ങൾ എങ്ങനെയെല്ലാം ചേർന്നാണ് ഒരു സമ്പൂർണ്ണ ചികിത്സാ അനുഭവം രൂപപ്പെടുത്തുന്നതെന്ന് ഇവിടെ വിശദമാക്കുന്നു.

ആദ്യ ഘട്ട കോൺസൾട്ടേഷൻ

ഫെർട്ടിലിറ്റി വിദഗ്ധരുമായുള്ള നേരിട്ടുള്ള കൂടിക്കാഴ്ചയോടെയാണ് ഈ യാത്ര ആരംഭിക്കുന്നത്. ഇതിലൂടെ മെഡിക്കൽ ഹിസ്റ്ററിയും നിലവിലെ ആശങ്കകളും മനസ്സിലാക്കുകയും, റീപ്രൊഡക്ടിവ് ഹെൽത്തിനെക്കുറിച്ച് വ്യക്തത ലഭിക്കാൻ ആവശ്യമായ ടെസ്റ്റുകൾ നിർദ്ദേശിക്കുകയും ചെയ്യുന്നു.

ഗർഭധാരണ ശേഷി പരിശോധന

ആദ്യ കൺസൾട്ടേഷന് ശേഷം സമഗ്രമായ ഫെർട്ടിലിറ്റി പരിശോധന നടത്തുന്നു. ഹോർമോൺ ടെസ്റ്റുകൾ, അൾട്രാസൗണ്ട് സ്കാനിംഗ്, ഒവേറിയൻ റിസർവ് പരിശോധന, ബീജ പരിശോധന എന്നിവയിലൂടെ വന്ധ്യതയുടെ യഥാർത്ഥ കാരണം കണ്ടെത്താൻ ശ്രമിക്കുന്നു.

വ്യക്തിഗത ചികിത്സ പ്ലാൻ

പരിശോധനകൾ പൂർത്തിയായ ശേഷം, രോഗനിർണ്ണയവും മെഡിക്കൽ ഹിസ്റ്ററിയും അടിസ്ഥാനമാക്കി സ്പെഷ്യലിസ്റ്റ് ഓരോരുത്തർക്കും പ്രത്യേകമായ ചികിത്സാ പദ്ധതി തയ്യാറാക്കുന്നു. ഒരേ ചികിത്സ എല്ലാവർക്കുമായി പിന്തുടരാതെ, ഓരോ കേസും വെവ്വേറെ പരിഗണിക്കുന്ന സമീപനമാണിത്.

ചികിത്സാ രീതി

തയ്യാറാക്കിയ പദ്ധതി പ്രകാരം അനുയോജ്യമായ ഫെർട്ടിലിറ്റി ചികിത്സാ രീതികൾക്ക് വിധേയരാകേണ്ടി വരും. ചികിത്സ കൂടുതൽ ഫലപ്രദമാക്കാൻ കർശനമായ ക്ലിനിക്കൽ പ്രോട്ടോക്കോളുകളും ആധുനിക റീപ്രൊഡക്റ്റീവ് സാങ്കേതികവിദ്യകളും ഉപയോഗിക്കുന്നു.

ഗർഭകാല പരിചരണവും ഫോളോഅപ്പുകളും

ചികിത്സ കഴിഞ്ഞാലും ടീമിന്റെ പിന്തുണ അവസാനിക്കുന്നില്ല. കൃത്യമായ ഫോളോഅപ്പുകളും ആവശ്യമായ പിന്തുണയും തുടർന്നും ഉറപ്പാക്കുന്നു മാതാപിതാക്കളാകുക എന്ന നിങ്ങളുടെ സ്വപ്നം യാഥാർത്ഥ്യമാകുന്നത് വരെ.

തൃശൂരിലെ ഐവിഎഫ് ചികിത്സാ ചിലവുകൾ

ചികിത്സ എത്ര ഫലപ്രദമായാലും, അതിന്റെ ചെലവ് മുൻകൂട്ടി മനസ്സിലാക്കാൻ ആഗ്രഹിക്കാത്ത ദമ്പതികൾ ചുരുക്കമാണ്. അതുകൊണ്ട് ചെലവിനെ സ്വാധീനിക്കുന്ന ഘടകങ്ങൾ മുതൽ പേയ്മെന്റ്, ഇൻഷുറൻസ് ഓപ്ഷനുകൾ വരെ ഇവിടെ വ്യക്തമായി വിശദീകരിക്കുന്നു.

ഐവിഎഫ് ചിലവിനെ സ്വാധീനിക്കുന്ന ഘടകങ്ങൾ

രോഗിയുടെ പ്രായം, മെഡിക്കൽ ഹിസ്റ്ററി, രോഗനിർണ്ണയം, ആവശ്യമായ ഐവിഎഫ് സൈക്കിളുകളുടെ എണ്ണം, കൂടാതെ വേണ്ടിവരുന്ന ജനിതക പരിശോധനകൾ എന്നിവയെല്ലാം ചിലവിനെ സ്വാധീനിക്കുന്ന ഘടകങ്ങളാണ്. ഓരോ വ്യക്തിക്കും യഥാർത്ഥത്തിൽ ആവശ്യമുള്ള ചികിത്സകൾ മാത്രമേ സ്പെഷ്യലിസ്റ്റുകൾ നിർദ്ദേശിക്കാറുള്ളൂ.

ഫ്ലെക്സിബിൾ ഇഎംഐ & പേയ്മെന്റ് ഓപ്ഷൻസ്

സീറോ ശതമാനം പലിശയിലുള്ള ഇഎംഐ പ്ലാനുകൾ ഉൾപ്പെടെ വിവിധ പേയ്മെന്റ് ഓപ്ഷനുകൾ ലഭ്യമാണ്. സീക്രെട് ചാർജുകളൊന്നും കൂടാതെ, തുടക്കം മുതലേ സുതാര്യമായ പേയ്മെന്റ് രീതികളാണ് പിന്തുടരുന്നത്.

ഇൻഷുറൻസ് & ഫിനാൻഷ്യൽ ഗൈഡൻസ്

മിക്ക ഇൻഷുറൻസ് പ്ലാനുകളും ഐവിഎഫ് ചികിത്സയ്ക്ക് പൂർണ്ണ പരിരക്ഷ നൽകാറില്ലെങ്കിലും, ലഭ്യമാകാവുന്ന ആനുകൂല്യങ്ങളെക്കുറിച്ച് പേഷ്യന്റ് കെയർ ടീം കൃത്യമായ മാർഗനിർദ്ദേശം നൽകും. ചിലവുകളും പേയ്മെന്റ് ഓപ്ഷനുകളും വ്യക്തമായി മനസ്സിലാക്കിയ ശേഷം മാത്രമേ ചികിത്സ ആരംഭിക്കുകയുള്ളൂ.

ഞങ്ങളുടെ സേവനം ലഭ്യമാകുന്ന മറ്റ് സ്ഥലങ്ങൾ

തൃശൂർ കൂടാതെ, മലബാർ മേഖലയിലെ മറ്റ് പ്രധാന നഗരങ്ങളിലും ബിർള ഫെർട്ടിലിറ്റിയുടെ സാന്നിധ്യമുണ്ട്. അതത് സ്ഥലങ്ങളിലെ ക്ലിനിക്കുകളെക്കുറിച്ചുള്ള വിവരങ്ങൾ താഴെ കൊടുക്കുന്നു.

പെരിന്തൽമണ്ണ

മലപ്പുറം ജില്ലയിലെ പ്രധാന നഗരങ്ങളിലൊന്നായ പെരിന്തൽമണ്ണയിലും ബിർള ഫെർട്ടിലിറ്റിയുടെ സേവനങ്ങൾ ലഭ്യമാണ്.

പാലക്കാട്

സൂര്യ കോർണറിലാണ് പാലക്കാട്ടെ ക്ലിനിക് പ്രവർത്തിക്കുന്നത്.

കണ്ണൂർ

പ്രഭാത് ജംക്ഷനിലാണ് കണ്ണൂരിലെ ക്ലിനിക് സ്ഥിതി ചെയ്യുന്നത്.

കോഴിക്കോട്

മിനി ബൈപാസ്സ് റോഡിലാണ് കോഴിക്കോട്ടെ ക്ലിനിക് സ്ഥിതി ചെയ്യുന്നത്.