ಬೆಂಗಳೂರಿನಲ್ಲಿ ಅಂಡಾಶಯದ ಚೀಲಗಳ ಚಿಕಿತ್ಸೆ

ಕ್ಲಿನಿಕ್‌ಗೆ ಬರುವ ಹಲವು ಮಹಿಳೆಯರ ಬಾಯಲ್ಲಿ ಒಂದೇ ಪ್ರಶ್ನೆ: ಸ್ಕ್ಯಾನ್ ರಿಪೋರ್ಟ್‌ನಲ್ಲಿ 'ಗಡ್ಡೆ' ಎಂದು ಬಂದ ತಕ್ಷಣ, ಇದು ಗಂಭೀರವೇ ಎಂಬುದು. ಸತ್ಯ ಹೇಳಬೇಕೆಂದರೆ, ಬಹುತೇಕ ಸಲ ಅಲ್ಲ. ಅಂಡಾಶಯದ ಗಡ್ಡೆ ಮಹಿಳೆಯರಲ್ಲಿ ಸಾಮಾನ್ಯವಾಗಿ ಕಂಡುಬರುವ ಸಮಸ್ಯೆ, ಮತ್ತು ಸರಿಯಾದ ಸಮಯಕ್ಕೆ ಪತ್ತೆಯಾದರೆ ಇದನ್ನು ಸುಲಭವಾಗಿ ನಿಭಾಯಿಸಬಹುದು. ಹೆದರಬೇಕಾದ ಅಗತ್ಯ ಇಲ್ಲ. ಬಹಳಷ್ಟು ಗಡ್ಡೆಗಳು ಜೀವನಶೈಲಿ, ಆಹಾರ ಪದ್ಧತಿ ಮತ್ತು ಒತ್ತಡದಿಂದ ಹಾರ್ಮೋನ್ ಸ್ವಲ್ಪ ಏರುಪೇರಾಗಿ ಬರುವ ತಾತ್ಕಾಲಿಕ ಚೀಲಗಳಷ್ಟೇ. ಬೆಂಗಳೂರಿನಲ್ಲಿ ಇಂದು ಜಾಗತಿಕ ಮಟ್ಟದ ಚಿಕಿತ್ಸಾ ಸೌಲಭ್ಯಗಳು ಕೈಗೆಟುಕುವ ದೂರದಲ್ಲೇ ಇವೆ. ಸಕಾಲದಲ್ಲಿ ಅಂಡಾಶಯದ ಗಡ್ಡೆಗಳ ಚಿಕಿತ್ಸೆ ಪಡೆದರೆ ಸಾಕು, ನಿಮ್ಮ ಸಂತಾನೋತ್ಪತ್ತಿ ಆರೋಗ್ಯ ಸುರಕ್ಷಿತವಾಗಿರುತ್ತದೆ.

ಚಿಕಿತ್ಸೆಯ ಹಂತಗಳು

ಆರಂಭಿಕ ಸಮಾಲೋಚನೆ
ಆರೋಗ್ಯ ಮೌಲ್ಯಮಾಪನ
ಹಾರ್ಮೋನ್ ನಿಯಂತ್ರಣೆ ಅಥವಾ ಕಾವಲು ಚಿಕಿತ್ಸೆ
ಲ್ಯಾಪ್ರೋಸ್ಕೋಪಿಕ್ ಶಸ್ತ್ರಚಿಕಿತ್ಸೆ
ಫಲವತ್ತತೆ ಚಿಕಿತ್ಸೆ (ಅಗತ್ಯವಿದ್ದರೆ)
ಚಿಕಿತ್ಸೆಯ ಯಶಸ್ಸಿನ ಪ್ರಮಾಣ

ಆರಂಭಿಕ ಸಮಾಲೋಚನೆ

ವೈದ್ಯರು ನಿಮ್ಮೊಂದಿಗೆ ಪ್ರತ್ಯೇಕವಾಗಿ ಕುಳಿತು ಮಾತನಾಡುತ್ತಾರೆ. ಲಕ್ಷಣಗಳು, ನೋವಿನ ತೀವ್ರತೆ ಮತ್ತು ಆರೋಗ್ಯದ ಹಿನ್ನೆಲೆಯನ್ನು ಶಾಂತವಾಗಿ ಆಲಿಸುತ್ತಾರೆ.

ಅಂಡಾಶಯದ ಗಡ್ಡೆಗಳು ಎಂದರೇನು?

ಮೊದಲು ಈ ಪದದ ಅರ್ಥ ನೋಡೋಣ. ಹೆಣ್ಣಿನ ಅಂಡಾಶಯದ ಮೇಲೆ ಅಥವಾ ಒಳಗೆ ದ್ರವ ತುಂಬಿದ ಸಣ್ಣ ಚೀಲದಂತಹ ರಚನೆ ಬೆಳೆದಾಗ, ಅದನ್ನೇ ವೈದ್ಯಕೀಯ ಭಾಷೆಯಲ್ಲಿ ಅಂಡಾಶಯದ ಗಡ್ಡೆ ಎನ್ನುತ್ತಾರೆ.

ಸ್ಥಿತಿಯ ಬಗ್ಗೆ ತಿಳಿವಳಿಕೆ

ಇವು ಬಹಳಷ್ಟು ಸಲ ತಾವಾಗಿಯೇ ಬಂದು ಕೆಲವೇ ವಾರಗಳಲ್ಲಿ ಮಾಯವಾಗುತ್ತವೆ. ಕೆಲವರಲ್ಲಿ ಮಾತ್ರ ಗಡ್ಡೆ ಹಾಗೆಯೇ ಉಳಿದು ಗಾತ್ರದಲ್ಲಿ ಬೆಳೆಯುತ್ತಾ ಹೋಗುತ್ತದೆ. ಆಗ ಮುಟ್ಟಿನ ಏರುಪೇರು, ವಿಪರೀತ ಹೊಟ್ಟೆ ನೋವು, ಹಾರ್ಮೋನ್ ಅಸಮತೋಲನದಂತಹ ಲಕ್ಷಣಗಳು ಕಾಣಿಸಿಕೊಳ್ಳುತ್ತವೆ. ಅಂತಹ ಹೊತ್ತಲ್ಲಿ ವೈದ್ಯರ ಹತ್ತಿರ ಹೋಗಲೇಬೇಕು.

ಫಲವತ್ತತೆ ಮತ್ತು ಪ್ರಜನನ ಆರೋಗ್ಯದ ಮೇಲೆ ಪರಿಣಾಮ

ಪ್ರತಿ ತಿಂಗಳು ಆರೋಗ್ಯಕರ ಅಂಡಾಣು ಬಿಡುಗಡೆ ಮಾಡುವುದೇ ಅಂಡಾಶಯದ ಕೆಲಸ. ದೊಡ್ಡ ಗಡ್ಡೆಗಳು ಬಂದಾಗ ಈ ಪ್ರಕ್ರಿಯೆಗೆ ಅಡ್ಡಿಯಾಗುತ್ತದೆ, ಗರ್ಭಧಾರಣೆಯ ಮೇಲೂ ನೇರ ಪರಿಣಾಮ ಬೀರಬಹುದು. ಹಾರ್ಮೋನ್ ಅಸಮತೋಲನ ಉಂಟಾಗಿ ಸುಸ್ತು ಕೂಡ ಕಾಣಿಸಿಕೊಳ್ಳಬಹುದು. ಒಳ್ಳೆಯ ಸುದ್ದಿ ಎಂದರೆ, ಇಂದಿನ ವೈದ್ಯಕೀಯ ಜಗತ್ತಿನಲ್ಲಿ ಇದಕ್ಕೆ ಸುರಕ್ಷಿತ ಪರಿಹಾರಗಳಿವೆ.

ಈ ಚಿಕಿತ್ಸೆ ಯಾರಿಗೆ ಅಗತ್ಯ?

ದೇಹದ ಬದಲಾವಣೆ, ಅದರಲ್ಲೂ ಸಂತಾನೋತ್ಪತ್ತಿ ಅಂಗಗಳಿಗೆ ಸಂಬಂಧಿಸಿದ್ದಾದರೆ, ಆತಂಕವಾಗುವುದು ಸಹಜ. ಆದರೆ ಯಾವ ಲಕ್ಷಣ ನಿರ್ಲಕ್ಷಿಸಬಾರದು, ಯಾವಾಗ ವೈದ್ಯರ ಬಳಿ ಹೋಗಬೇಕು ಎಂದು ಗೊತ್ತಾದರೆ ಅರ್ಧ ಭಯ ತಾನಾಗಿಯೇ ಕಡಿಮೆಯಾಗುತ್ತದೆ.

ಚಿಕಿತ್ಸೆ ಅಗತ್ಯವಿರುವ ವೈದ್ಯಕೀಯ ಸ್ಥಿತಿಗಳು

ಸ್ಕ್ಯಾನ್ ವರದಿ ನೋಡಿ ಗಡ್ಡೆ ಎಷ್ಟು ಗಂಭೀರ ಎಂದು ವೈದ್ಯರು ನಿರ್ಧರಿಸುತ್ತಾರೆ. ಸಾಮಾನ್ಯವಾಗಿ ಈ ನಾಲ್ಕು ಸಂದರ್ಭಗಳಲ್ಲಿ ಚಿಕಿತ್ಸೆ ಬೇಕಾಗುತ್ತದೆ:

ಗಡ್ಡೆ ನಿರಂತರವಾಗಿ ಬೆಳೆಯುತ್ತಿದ್ದರೆ, ಅಥವಾ ಅಂಡಾಶಯದ ತಿರುಚುವಿಕೆಯಷ್ಟು ಗಂಭೀರವಾಗಿದ್ದರೆ
PCOS ನಂತಹ ಹಾರ್ಮೋನ್ ಸಮಸ್ಯೆ ಇದ್ದಾಗ
ಎಂಡೊಮೆಟ್ರಿಯೊಮಾ ಎಂಬಂತೆ ಗಡ್ಡೆಯೊಳಗೆ ರಕ್ತ ತುಂಬಿ ಅಂಡಾಣು ಬಿಡುಗಡೆಗೆ ಅಡ್ಡಿಯಾಗುತ್ತಿದ್ದರೆ
ಔಷಧಿಯಿಂದಲೂ ಕಡಿಮೆಯಾಗದ ಹೊಟ್ಟೆ ನೋವು ಮತ್ತು ಮುಟ್ಟಿನ ಅನಿಯಮಿತತೆ

ವೈದ್ಯರು ಯಾವಾಗ ಚಿಕಿತ್ಸೆ ಸೂಚಿಸುತ್ತಾರೆ

ಗಡ್ಡೆ 5 ಸೆಂಟಿಮೀಟರ್‌ಗಿಂತ ದೊಡ್ಡದಾಗಿದ್ದರೆ, ಅಥವಾ ತಿಂಗಳುಗಟ್ಟಲೆ ಕರಗದೆ ಉಳಿದಿದ್ದರೆ, ಚಿಕಿತ್ಸೆ ಆರಂಭಿಸಲು ವೈದ್ಯರು ಸಲಹೆ ನೀಡುತ್ತಾರೆ. ಗರ್ಭಧಾರಣೆಗೆ ಪ್ರಯತ್ನಿಸುತ್ತಿದ್ದು ಗಡ್ಡೆ ಅಡ್ಡಿಯಾಗುತ್ತಿದ್ದರೆ, ಶಸ್ತ್ರಚಿಕಿತ್ಸೆ ಅಥವಾ ಸೂಕ್ತ ಮಾರ್ಗವನ್ನು ವೈದ್ಯರು ತೋರಿಸುತ್ತಾರೆ. ಒಂದು ಮಾತು ನೆನಪಿಡಿ: ಗಡ್ಡೆ ಎಂದ ಕೂಡಲೇ ಅದು ಕ್ಯಾನ್ಸರ್ ಎಂದು ತಿಳಿಯಬೇಡಿ. ಬಹುತೇಕ ಇವು ಸರಳ ಚೀಲಗಳಷ್ಟೇ, ಆದರೂ ಮುಂಜಾಗ್ರತೆಗೆ ವೈದ್ಯರ ಸಲಹೆ ಪಡೆಯುವುದು ಒಳ್ಳೆಯದು.

ಚಿಕಿತ್ಸೆಗೆ ಸೂಕ್ತ ಅಭ್ಯರ್ಥಿಗಳು ಯಾರು?

ಗಡ್ಡೆ ಕಾಣಿಸಿಕೊಂಡ ತಕ್ಷಣ ಎಲ್ಲರಿಗೂ ಒಂದೇ ಚಿಕಿತ್ಸೆ ಸಿಗುವುದಿಲ್ಲ. ವಯಸ್ಸು, ಆರೋಗ್ಯ ಸ್ಥಿತಿ ಮತ್ತು ಮುಂದಿನ ಗುರಿ ಇವನ್ನೆಲ್ಲ ನೋಡಿ ವೈದ್ಯರು ಯೋಜನೆ ರೂಪಿಸುತ್ತಾರೆ. ಯಾರೆಲ್ಲಾ ಇದಕ್ಕೆ ಅರ್ಹರು?

ಮಹಿಳಾ ಅಭ್ಯರ್ಥಿಗಳು

ಗಡ್ಡೆ ಸಮಸ್ಯೆಯಿರುವ ಎಲ್ಲಾ ವಯಸ್ಸಿನ ಮಹಿಳೆಯರಿಗೂ ಈ ಚಿಕಿತ್ಸೆ ಅನ್ವಯಿಸುತ್ತದೆ. ಗರ್ಭಧಾರಣೆ ಬಯಸುವವರಿಗೆ ಮತ್ತು ಮುಂದೆ ತಾಯಿಯಾಗಬೇಕೆಂದಿರುವವರಿಗೆ ಇದು ವಿಶೇಷವಾಗಿ ಮುಖ್ಯ.

ಪುರುಷ ಅಭ್ಯರ್ಥಿಗಳ ಪಾತ್ರ

ಇದು ನೇರವಾಗಿ ಮಹಿಳೆಯರ ಸಮಸ್ಯೆಯಾದರೂ, ಗರ್ಭಧಾರಣೆಯಲ್ಲಿ ತೊಂದರೆಯಿದ್ದಾಗ ದಂಪತಿ ಇಬ್ಬರ ಆರೋಗ್ಯವನ್ನೂ ಪರೀಕ್ಷಿಸಲಾಗುತ್ತದೆ. ಪುರುಷ ಸಂಗಾತಿಯ ಫಲವತ್ತತೆ ಕೂಡ ಸಮಸ್ಯೆಯ ಭಾಗ ಇರಬಹುದಲ್ಲವೇ? ಹಾಗಾಗಿ ಇಬ್ಬರನ್ನೂ ತಪಾಸಣೆಗೆ ಒಳಪಡಿಸುವುದು ಸಾಮಾನ್ಯ ಅಭ್ಯಾಸ.

ಮಕ್ಕಳಾಗದೆ ಕಷ್ಟಪಡುತ್ತಿರುವ ದಂಪತಿಗಳು

ನೈಸರ್ಗಿಕವಾಗಿ ಗರ್ಭ ಧರಿಸಲು ಆಗದ ಜೋಡಿಗಳಿಗೆ ಇದೊಂದು ಹೊಸ ಭರವಸೆ. ಗಡ್ಡೆಗೆ ಚಿಕಿತ್ಸೆ ಪಡೆಯುತ್ತಲೇ ಐವಿಎಫ್ ಅಥವಾ ಐಯುಐ ನಂತಹ ಮುಂದುವರಿದ ಚಿಕಿತ್ಸೆಗಳ ಮೂಲಕ ಪೋಷಕರಾಗುವ ಕನಸು ನನಸಾಗಬಹುದು.

ಐವಿಎಫ್ ಚಿಕಿತ್ಸೆಯನ್ನು ಯಾವಾಗ ಆರಿಸಿಕೊಳ್ಳಬೇಕು?

ಐವಿಎಫ್ ಮೊದಲ ಆಯ್ಕೆ ಅಲ್ಲ. ಸರಳ ಔಷಧಿ ಅಥವಾ ಶಸ್ತ್ರಚಿಕಿತ್ಸೆಯ ನಂತರವೂ ಫಲಿತಾಂಶ ಸಿಗದಿದ್ದಾಗ ಮಾತ್ರ ಇದನ್ನು ಪರಿಗಣಿಸಲಾಗುತ್ತದೆ. ದಂಪತಿಗಳ ವಯಸ್ಸು, ಆರೋಗ್ಯ ಸ್ಥಿತಿ ಮತ್ತು ಗಡ್ಡೆಯ ತೀವ್ರತೆ ನೋಡಿ ವೈದ್ಯರು ಈ ನಿರ್ಧಾರ ತೆಗೆದುಕೊಳ್ಳುತ್ತಾರೆ. ಸಾಮಾನ್ಯವಾಗಿ ಈ ಸಂದರ್ಭಗಳಲ್ಲಿ ಐವಿಎಫ್ ಸೂಕ್ತ:

ಸರಳ ಔಷಧಿ ಅಥವಾ ಚಿಕಿತ್ಸೆಗಳಿಂದ ಫಲಿತಾಂಶ ಸಿಗದಿದ್ದಾಗ
ಅಂಡಾಣುಗಳ ಗುಣಮಟ್ಟ ಅಥವಾ ಸಂಖ್ಯೆ ಕಡಿಮೆಯಾಗಿದ್ದಾಗ, ಅಥವಾ ಗರ್ಭಕೋಶ ನಾಳಗಳಲ್ಲಿ ಗಂಭೀರ ತಡೆಗಳಿದ್ದಾಗ
ವರ್ಷಗಟ್ಟಲೆ ಪ್ರಯತ್ನಿಸಿ ದಣಿದಿದ್ದಾಗ, ಬೇರೆ ಯಾವುದೇ ವಿಧಾನ ಫಲ ನೀಡದಿದ್ದಾಗ

ಚಿಕಿತ್ಸೆಗಾಗಿ ಬಿರ್ಲಾ ಫರ್ಟಿಲಿಟಿ & IVF ಅನ್ನು ಏಕೆ ಆಯ್ಕೆ ಮಾಡಬೇಕು?

ನಿಮ್ಮ ಕುಟುಂಬವನ್ನು ಆರಂಭಿಸಲು ಸರಿಯಾದ ಫಲವತ್ತತೆ ಕ್ಲಿನಿಕ್ ಆಯ್ಕೆ ಮಾಡುವುದು ಅತ್ಯಂತ ಮಹತ್ವದ್ದಾಗಿದೆ. ಬಿರ್ಲಾ ಫರ್ಟಿಲಿಟಿ & IVF ನಲ್ಲಿ, ವೈಯಕ್ತಿಕ ಆರೈಕೆ (Personalized Care) ಮತ್ತು ಅನುಭವಿ ತಜ್ಞರ ಮಾರ್ಗದರ್ಶನದೊಂದಿಗೆ ಪ್ರತಿಯೊಂದು ಹಂತದಲ್ಲೂ ನಾವು ನಿಮ್ಮೊಂದಿಗೆ ಇರುತ್ತೇವೆ. ನಮ್ಮ ಅತ್ಯಾಧುನಿಕ ಪ್ರಯೋಗಾಲಯಗಳು ಮತ್ತು ಅತ್ಯುತ್ತಮ ಯಶಸ್ಸಿನ ಪ್ರಮಾಣದ ಮೂಲಕ 2,30,000ಕ್ಕೂ ಹೆಚ್ಚು ರೋಗಿಗಳಿಗೆ ಪೋಷಕರಾಗುವ ಕನಸನ್ನು ನನಸಾಗಿಸಲು ಸಹಾಯ ಮಾಡಿದ್ದೇವೆ.

ಯಶಸ್ಸಿನ ಮೇಲೆ ಪರಿಣಾಮ ಬೀರುವ ಅಂಶಗಳು

ಫಲಿತಾಂಶ ಪ್ರತಿಯೊಬ್ಬರ ದೇಹಸ್ಥಿತಿಗೆ ಅನುಗುಣವಾಗಿ ಬದಲಾಗುತ್ತದೆ.

ವಯಸ್ಸು: ಚಿಕ್ಕ ವಯಸ್ಸಿನಲ್ಲಿ ಅಂಡಾಶಯ ಬೇಗ ಚೇತರಿಸಿಕೊಂಡು ಗರ್ಭಧರಿಸುವ ಸಾಧ್ಯತೆ ಹೆಚ್ಚು
ಗಡ್ಡೆಯ ವಿಧ ಮತ್ತು ಗಾತ್ರ, ಆರಂಭಿಕ ಹಂತದಲ್ಲಿ ಪತ್ತೆಯಾಗಿದೆಯೇ ಎಂಬುದು
ಪೌಷ್ಟಿಕ ಆಹಾರ, ವಿಶ್ರಾಂತಿ ಮತ್ತು ಒಟ್ಟಾರೆ ಜೀವನಶೈಲಿ

ಯಶಸ್ಸಿನ ಪ್ರಮಾಣ ಹೆಚ್ಚಿಸುವ ವಿಧಾನಗಳು

ಸ್ವಲ್ಪ ಎಚ್ಚರಿಕೆ ಮತ್ತು ಸರಿಯಾದ ನಿರ್ಧಾರಗಳಿಂದ ಯಶಸ್ಸನ್ನು ಇನ್ನಷ್ಟು ಹೆಚ್ಚಿಸಿಕೊಳ್ಳಬಹುದು. ಇದಕ್ಕಾಗಿ ಈ ಮೂರು ಅಭ್ಯಾಸ ಪಾಲಿಸಿ:

ಸಮಸ್ಯೆಯನ್ನು ಆರಂಭದಲ್ಲೇ ಪತ್ತೆಹಚ್ಚಿ ಪರಿಣಿತ ವೈದ್ಯರಿಂದ ಚಿಕಿತ್ಸೆ ಪಡೆಯಿರಿ
ಔಷಧಿ, ಆಹಾರಕ್ರಮ ಮತ್ತು ಫಾಲೋ-ಅಪ್ ತಪಾಸಣೆಗಳನ್ನು ತಪ್ಪದೆ ಪಾಲಿಸಿ
ಅನಗತ್ಯ ಮಾನಸಿಕ ಒತ್ತಡದಿಂದ ದೂರವಿರಿ

ಚಿಕಿತ್ಸೆಯ ಪ್ರಯೋಜನಗಳು

ಸಕಾಲದ ಚಿಕಿತ್ಸೆ ದೈಹಿಕ ಆರೋಗ್ಯದಲ್ಲಿ ಗಮನಾರ್ಹ ಬದಲಾವಣೆ ತರುತ್ತದೆ, ದೈನಂದಿನ ಬದುಕೂ ಸುಲಭವಾಗುತ್ತದೆ.

ಮುಟ್ಟಿನ ಸಮಯದ ವಿಪರೀತ ಹೊಟ್ಟೆ ನೋವು ಮತ್ತು ಸೊಂಟ ನೋವಿನಿಂದ ಪರಿಹಾರ
ಅಂಡಾಶಯದ ಆರೋಗ್ಯ ಸುಧಾರಿಸಿ, ನೈಸರ್ಗಿಕವಾಗಿ ಅಥವಾ ಐವಿಎಫ್ ಮೂಲಕ ಗರ್ಭಧರಿಸುವ ಸಾಧ್ಯತೆ ಹೆಚ್ಚಳ
ಲ್ಯಾಪ್ರೋಸ್ಕೋಪಿ ವಿಧಾನದಿಂದ ದೊಡ್ಡ ಗಾಯಗಳಿಲ್ಲದೆ ಬೇಗ ಚೇತರಿಕೆ

ಅಪಾಯಗಳು ಮತ್ತು ಸಂಭವನೀಯ ತೊಡಕುಗಳು

ಶಸ್ತ್ರಚಿಕಿತ್ಸೆ ಎಂದಾಗ ಭಯ ಸಹಜ. ಆದರೆ ಇದು ಇಂದಿನ ವೈದ್ಯಕೀಯ ಲೋಕದಲ್ಲಿ ಅತ್ಯಂತ ಸುರಕ್ಷಿತ, ಗಂಭೀರ ಅಪಾಯಗಳು ಅಪರೂಪ. ತಿಳಿದಿರಬೇಕಾದ ಕೆಲವು ಅಂಶಗಳು:

ಅಪರೂಪದ ಸಂದರ್ಭಗಳಲ್ಲಿ ಶಸ್ತ್ರಚಿಕಿತ್ಸೆಯ ನಂತರ ಸಣ್ಣ ಪ್ರಮಾಣದ ಸೋಂಕು
ಕೆಲವೊಮ್ಮೆ ಗಡ್ಡೆ ಮತ್ತೆ ಮರುಕಳಿಸುವ ಸಾಧ್ಯತೆ
ಬಿರ್ಲಾ ಫರ್ಟಿಲಿಟಿಯ ತಜ್ಞ ವೈದ್ಯರ ಮೇಲ್ವಿಚಾರಣೆಯಲ್ಲಿ ಇಂತಹ ಅಪಾಯಗಳನ್ನು ಮೊದಲೇ ಗುರುತಿಸಿ ನಿಯಂತ್ರಿಸಲಾಗುತ್ತದೆ

ಚಿಕಿತ್ಸೆಯ ನಂತರದ ಆರೈಕೆ ಮತ್ತು ಚೇತರಿಕೆ

ಮನೆಗೆ ಮರಳಿದ ಮೇಲೆ ದೇಹಕ್ಕೆ ಸ್ವಲ್ಪ ವಿಶ್ರಾಂತಿ ಬೇಕು. ಈ ಸರಳ ನಿಯಮಗಳನ್ನು ಪಾಲಿಸಿದರೆ ಬೇಗ ಚೇತರಿಸಿಕೊಳ್ಳಬಹುದು:

ಮೊದಲ ಕೆಲವು ದಿನ ಪೂರ್ಣ ವಿಶ್ರಾಂತಿ, ಅತಿಯಾದ ಓಡಾಟ ಬೇಡ
ಔಷಧಿಗಳನ್ನು ಸರಿಯಾದ ಸಮಯಕ್ಕೆ ತೆಗೆದುಕೊಳ್ಳಿ, ಕೆಲವು ವಾರ ಭಾರ ಎತ್ತುವುದನ್ನು ತಪ್ಪಿಸಿ
ಜೀರ್ಣವಾಗಲು ಸುಲಭವಿರುವ ಪೌಷ್ಟಿಕ ಆಹಾರ, ಸಾಕಷ್ಟು ನೀರು, ಮತ್ತು ತಪ್ಪದ ಫಾಲೋ-ಅಪ್ ತಪಾಸಣೆ

ಬೆಂಗಳೂರಿನಲ್ಲಿ ಬಿರ್ಲಾ ಫರ್ಟಿಲಿಟಿಯನ್ನೇ ಏಕೆ ಆಯ್ಕೆ ಮಾಡಬೇಕು?

ಮಕ್ಕಳಾಗುವ ಕನಸಿನೊಂದಿಗೆ ಆಸ್ಪತ್ರೆಯ ಮೆಟ್ಟಿಲೇರುವ ಪ್ರತಿ ದಂಪತಿಯ ಮನದಲ್ಲೂ ಒಂದು ದೊಡ್ಡ ನಂಬಿಕೆ ಇರುತ್ತದೆ. ಆ ನಂಬಿಕೆಯನ್ನು ಉಳಿಸಿಕೊಂಡು ನಿಮ್ಮನ್ನು ಮುನ್ನಡೆಸುವಲ್ಲಿ ನಮ್ಮ ಬೆಂಗಳೂರು ಆಸ್ಪತ್ರೆ ಸದಾ ಮುಂಚೂಣಿಯಲ್ಲಿದೆ. ಇಲ್ಲಿ ಹೆಚ್ಚಿನ ವಿಶ್ವಾಸಾರ್ಹತೆ ಸಿಗಲು ಇರುವ ಪ್ರಮುಖ ಕಾರಣಗಳು:

ಅನುಭವಿ ತಜ್ಞ ವೈದ್ಯರ ತಂಡ

ಇಲ್ಲಿ ಕೇವಲ ವೈದ್ಯರಷ್ಟೇ ಅಲ್ಲ, ನಿಮ್ಮ ಸಮಸ್ಯೆಯನ್ನು ಆಪ್ತವಾಗಿ ಆಲಿಸುವ ಪರಿಣಿತ ಸ್ತ್ರೀರೋಗ ಮತ್ತು ಫಲವತ್ತತೆ ತಜ್ಞರ ದೊಡ್ಡ ತಂಡವಿದೆ. ಸಮಸ್ಯೆಯ ಮೂಲ ಪತ್ತೆಹಚ್ಚಿ ನಿಮಗೆ ಸೂಕ್ತವಾದ ಮಾರ್ಗ ಅವರು ತೋರಿಸುತ್ತಾರೆ.

ಅತ್ಯಾಧುನಿಕ ರೋಗನಿರ್ಣಯ ತಂತ್ರಜ್ಞಾನ

ಗಡ್ಡೆಗಳ ಸ್ಥಳ ಮತ್ತು ಗಾತ್ರವನ್ನು ಊಹಿಸುವ ಕಾಲ ಈಗ ಇಲ್ಲ. ವಿಶ್ವದರ್ಜೆಯ ಸ್ಕ್ಯಾನಿಂಗ್ ಯಂತ್ರಗಳಿದ್ದು, ಸಣ್ಣ ಸಮಸ್ಯೆಗಳನ್ನೂ ನಿಖರವಾಗಿ ಪತ್ತೆಹಚ್ಚಿ ಸಕಾಲದಲ್ಲಿ ಚಿಕಿತ್ಸೆ ಆರಂಭಿಸಲು ಇದು ನೆರವಾಗುತ್ತದೆ.

ವೈಜ್ಞಾನಿಕ ಆಧಾರಿತ ಸುರಕ್ಷಿತ ಚಿಕಿತ್ಸಾ ಪದ್ಧತಿಗಳು

ಅಂದಾಜಿನ ಮೇಲೆ ಇಲ್ಲಿ ಚಿಕಿತ್ಸೆ ನಡೆಯುವುದಿಲ್ಲ. ವೈಜ್ಞಾನಿಕವಾಗಿ ಸಾಬೀತಾದ, ಸುರಕ್ಷಿತ ವಿಧಾನಗಳನ್ನು ಮಾತ್ರ ಅನುಸರಿಸಲಾಗುತ್ತದೆ.

ವಿಶ್ವದರ್ಜೆಯ ಐವಿಎಫ್ ಪ್ರಯೋಗಾಲಯಗಳು

ಅಂಡಾಣು ಮತ್ತು ವೀರ್ಯಾಣುವನ್ನು ಜೋಡಿಸುವ ಪ್ರಕ್ರಿಯೆಗೆ ಅತ್ಯಂತ ಶುದ್ಧ ಮತ್ತು ಆಧುನಿಕ ವಾತಾವರಣ ಬೇಕಾಗುತ್ತದೆ. ಅಂತರರಾಷ್ಟ್ರೀಯ ಗುಣಮಟ್ಟದ ಐವಿಎಫ್ ಲ್ಯಾಬ್‌ಗಳು ಇಲ್ಲಿದ್ದು, ಇದು ಯಶಸ್ಸಿನ ಪ್ರಮಾಣ ಹೆಚ್ಚಿಸುವಲ್ಲಿ ದೊಡ್ಡ ಪಾತ್ರ ವಹಿಸುತ್ತದೆ.

ಪ್ರತಿಯೊಬ್ಬರಿಗೂ ವೈಯಕ್ತಿಕ ಕಾಳಜಿ

ಪ್ರತಿಯೊಬ್ಬ ಮಹಿಳೆಯ ದೇಹಸ್ಥಿತಿಯೂ ವಿಭಿನ್ನ. ಹಾಗಾಗಿ ಎಲ್ಲರಿಗೂ ಒಂದೇ ರೀತಿಯ ಅಚ್ಚಿನ ಚಿಕಿತ್ಸೆ ಇಲ್ಲಿ ಇಲ್ಲ, ನಿಮ್ಮ ದೇಹದ ಗುಣಲಕ್ಷಣಗಳಿಗೆ ತಕ್ಕಂತೆ ಪ್ರತ್ಯೇಕ ಚಿಕಿತ್ಸಾ ಯೋಜನೆ ರೂಪಿಸಲಾಗುತ್ತದೆ.

പതിവ് ചോദ്യങ്ങൾ

ಅಂಡಾಶಯದ ಗಡ್ಡೆ ತೆಗೆಯುವ ಶಸ್ತ್ರಚಿಕಿತ್ಸೆ ನೋವಿನಿಂದ ಕೂಡಿರುತ್ತದೆಯೇ?

ಸಾಮಾನ್ಯವಾಗಿ ಇಲ್ಲ. ಅರಿವಳಿಕೆ ಕೊಟ್ಟೇ ಈ ಚಿಕಿತ್ಸೆ ಮಾಡುವುದರಿಂದ ಪ್ರಕ್ರಿಯೆ ನಡೆಯುತ್ತಿರುವಾಗ ನೋವು ಗೊತ್ತಾಗುವುದಿಲ್ಲ.

ಅಂಡಾಶಯದ ಗಡ್ಡೆಗೆ ಯಾವಾಗ ಚಿಕಿತ್ಸೆ ಪಡೆಯಬೇಕು?

ಮುಟ್ಟಿನ ಸಮಯದಲ್ಲಿ ವಿಪರೀತ ನೋವು ಅಥವಾ ಹೊಟ್ಟೆ ಉಬ್ಬರ ಕಂಡುಬಂದರೆ ವೈದ್ಯರನ್ನು ಭೇಟಿಯಾಗಿ. ಮದುವೆಯಾಗಿ ಒಂದು ವರ್ಷ ಕಳೆದರೂ ಗರ್ಭಧಾರಣೆಯಾಗದಿದ್ದರೆ ಸಹ ತಪಾಸಣೆ ಮಾಡಿಸಿಕೊಳ್ಳಬೇಕು. ಈ ಲಕ್ಷಣಗಳನ್ನು ನಿರ್ಲಕ್ಷಿಸಬೇಡಿ, ಸಕಾಲದಲ್ಲಿ ಸಲಹೆ ಪಡೆಯಿರಿ.

ವಯಸ್ಸು ಅಂಡಾಶಯದ ಗಡ್ಡೆಗಳ ಚಿಕಿತ್ಸೆಯ ಮೇಲೆ ಪರಿಣಾಮ ಬೀರುತ್ತದೆಯೇ?

ಸ್ವಲ್ಪ ಮಟ್ಟಿಗೆ ಹೌದು. ಆದರೆ ವಯಸ್ಸು ಎಷ್ಟೇ ಇರಲಿ, ಸಕಾಲದಲ್ಲಿ ಸೂಕ್ತ ಚಿಕಿತ್ಸೆ ಪಡೆದರೆ ಈ ಸಮಸ್ಯೆಯನ್ನು ಯಶಸ್ವಿಯಾಗಿ ನಿಭಾಯಿಸಬಹುದು.

ಚಿಕಿತ್ಸೆಯ ಸಮಯದಲ್ಲಿ ಯಾವುದಾದರೂ ಅಡ್ಡಪರಿಣಾಮಗಳಿರುತ್ತವೆಯೇ?

ಗಂಭೀರ ಅಡ್ಡಪರಿಣಾಮಗಳು ಅಪರೂಪ. ಶಸ್ತ್ರಚಿಕಿತ್ಸೆಯ ನಂತರ ಕೆಲ ದಿನ ಸಣ್ಣ ಪ್ರಮಾಣದ ಸುಸ್ತು ಅಥವಾ ಹೊಟ್ಟೆ ನೋವು ಕಾಣಿಸಿಕೊಳ್ಳಬಹುದು. ಇದು ಬೇಗ ಗುಣಮುಖವಾಗುತ್ತದೆ, ಆತಂಕಪಡುವ ಅಗತ್ಯ ಇಲ್ಲ.

ಚಿಕಿತ್ಸೆಯ ನಂತರ ಎಷ್ಟು ದಿನಗಳ ಬಳಿಕ ಗರ್ಭಧಾರಣೆಗೆ ಪ್ರಯತ್ನಿಸಬಹುದು?

ದೇಹ ಸಂಪೂರ್ಣ ಚೇತರಿಸಿಕೊಳ್ಳಲು ಸಾಮಾನ್ಯವಾಗಿ ಒಂದೆರಡು ತಿಂಗಳು ಬೇಕಾಗಬಹುದು. ವೈದ್ಯರ ಸಲಹೆ ಪಡೆದ ನಂತರವೇ ಪ್ರಯತ್ನಿಸಿ, ಅಥವಾ ಐವಿಎಫ್ ಪ್ರಕ್ರಿಯೆ ಮುಂದುವರಿಸಿ.

6. ಚಿಕಿತ್ಸೆಯ ನಂತರ ಗಡ್ಡೆಗಳು ಮತ್ತೆ ಬರುವ ಸಾಧ್ಯತೆ ಇದೆಯೇ?

ಅಪರೂಪಕ್ಕೆ ಹಾರ್ಮೋನ್ ವ್ಯತ್ಯಾಸದಿಂದ ಗಡ್ಡೆ ಮರುಕಳಿಸಬಹುದು. ನಿಯಮಿತ ತಪಾಸಣೆ ಮತ್ತು ವೈದ್ಯರ ಸಲಹೆ ಪಾಲಿಸಿದರೆ ಇದನ್ನು ಬಹುತೇಕ ತಡೆಯಬಹುದು.